Ձեռնոց դնող կատուն մուկ չի բռնի:

Ամեն ինչ քո ձեռքերում է

Marina Tozalakyan

Շատ-շատ վաղուց հինավուրց քաղաքում ապրում էր վարպետը` շրջապատված իր աշակերտներով: Նրանցից ամենաընդունակը մի անգամ խորհեց.

«Իսկ տեսնես կա մի հարց, որի պատասխանը չի կարող տալ մեր Վարպետը...»

Նա գնաց ծաղկած մարգագետին, բռնեց ամենագեղեցիկ թիթեռին և թաքցրեց իր ափերի մեջ: Թիթեռը խուտուտ էր տալիս նրան: ժպտալով նա մոտեցավ իր Վարպետին և հարցրեց.

- Ասացեք, ինչպիսի թիթեռ է իմ ձեռքերում` սատկած, թե կենդանի:

Նա ամուր պահել էր թիթեռին իր կլորացած ափերի մեջ և պատրաստ էր ցանկացած ակնթարթ սեղմել ափերը` հանուն ճշմարտության: Չնայելով անգամ իր աշակերտի ձեռքերին` Վարպետն ասաց.

- Ամեն ինչ քո ձեռքերում է:

Ոչ մեկը չի կարող լինել լիարժեք ազատ այնքան ժամանակ, որքան բոլորը ազատ չեն:
Հերբերդ Սպենսեր

Ազատություն նշանակում է պատասխանատվություն:
Դա է պատճառը, որ մարդկանց մեծ մասը վախենում է ազատությունից:

Ազատությունը գիտակցված անհրաժեշտությունն է:
Ֆրիդրիխ Էնգելս